كلمات : ربيع الغريب
ملعون . أبو الفلوس
بتغير .. في النفوس
بتخلى الخلق . تكدب
وتلون …. الوشوش
بتخلينا …… بنأسى
على بعضنا وندوس
ملعون أبو الفلوس
ملعون أبو الفلوس
…………………….
بسببها بقينا .. نجرح
ونبيع … أقرب مالينا
بقينا نأسى .. ونكره
ونحقد على بعضينا
وماتت جوانا الطيبه
والنخوه ماتت .. فينا
وإتغيرت … النفوس
وبقينا على بعض ندوس
ملعون .. أبو الفلوس
ملعون .. أبو الفلوس
……………………..
يا دنيا فيكى .. العجب
وأعجب مافيكى البشر
فيكى اللى بيقتل أخوه
والمال هو …. السبب
واللى بيعادى … أبوه
ويعامله بسوء .. أدب
وضعفت …. النفوس
وإتلونت … الوشوش
ملعون .. أبو الفلوس
ملعون .. أبو الفلوس
………………………
أهين وأه … يا زمان
على الفقير . الغلبان
لما بيذل …… نفسه
للخونه ….. والأندال
ويقبل .تتهان كرامته
علشان محتاج للمال
المال بقى هو السيد
والحاكم .. والسلطان
أما .. اللى ممعهوش
بيقولوا عليه منحوس
ويتوه فى وسط الزحمه
مابين ديابه ووحوش
ملعون .. أبو الفلوس
ملعون .. ابو الفلوس
