اللي شجعني أرجع للمعهد اتنين .. ماجد الكدواني ومحمد رضوان هما صحاب عمري..المهم كنت في المسرح وقاعد على الخشبة بقرا دور بطولة قدام طلبة المعهد ودور حلو ومش مصدق إني بعمل البطولة معقولة.. المهم الساعة جت واحدة بالليل لقيت المخرج قالي شكرا يا محسن انزل اقعد.. كان جه الأستاذ أحمد راتب واكتشفت إني بعدّي الدور لغاية ما ييجي
فنزلت من على المسرح مفيش حاجة لحد ما ماجد كلمني قالي انت فين قولتله انا في المسرح قالي طب انت بتعيط ليه؟! قولتله يا ماجد بقالي ساعتين عالمسرح بعدي دور..قالي طب تعالى فيه مشهد صاحبه اعتذر هتعمله انت..
روحت لقيتهم بيعملوا حراميه في تايلاند وقاعدين في مطعم كدة وبياكلوا سمك.. كنت جعان جدا وكريم عبد العزيز عمال بياكل في الىىىمك في المشهد وانا باصص ليهم كدة.. المهم ماجد خلص قولتله أيه السمك قالي قصدك أيه المشهد قولتله لأ أيه السمك انا مكلتش من 7 ساعات يا ماجد
المهم ادني ورقة بصيت على الورقة فضلت اقرا اقرا لحد ما لقيت جملتي.. هتلعب لأ.. هتلعب لأ.. قولتله طب مفيش هتاكل؟
المهم روحنا الفندق عشان مشهدي ولقيت ماجد بيحلق روحت حالق انا كمان .. وحد قالي لو الإنتاج كلمك اطلب ، قولتله اطلب قد أيه قالي قولهم 200. سألته طب لو قولت 400. قالي يمشوك كده
المهم جينا لمشهد الترابيزة وانا مستني جملتي وهنا كنت خلاص بدأت أىىىقت ” هينام ” ما انا لا سمك ولا فلوس ولا أي حاجة فا ساندرا بتخرِج وكريم قاعد قدامي وبيقولي هتلعب؟ قولتله سلانكتيه
ساندرا ذوق جدًا وهايلة .. قالتلي محسن بعد إذنك يعني أيه سلانكتيه؟ قولتلها يعني ستيكاتو أوانس مانانا ، قالتلي طب يعني أيه برضو؟ قولتلها يعني كافتازين مش عارف أيه
قالتي الكلام ده عيب؟ قولتلها لأ ملوش أي معنى .. اللوكيشن اتعلق وراحت ساندرا قالتلهم محسن دوره يكبر.
نزلت بقى للمنتج الفني قالي انت كنت يوم تصوير ودورك كبر صح؟ قولتله اه .. قالي عاوز كام؟ قولتله 4 وفي نيتي 400ج
لقيته بيقول لأ بص يا محسن 4000ج كتير.. قولتله أييييه! لأ تمام! أنا مبقتش عارف أعيط ولا أضحك ولا أيه .. قالي هنشيل مصاريف وضرايب وشوية حاجات تانية لقيتني واخد في إيدي 1000 جنيه
طلعت بعدها لماجد الاوضة قولتله ماجد انت ماضي على كام الفيلم .
