كتبت جيهان محمود ” إعلنوا الحب “

جريدة بكره احلى الاخبارية

رئيس التحرير وجدى وزيرى

كل الناس اللي بتسمع كلمة
” بحبك ” عندهم طاقة غريبة لمقاومة الحياة ..لمقاومة الطحنة اليومية ( المشاكل الكبيرة)
لمقاومة حتي الأمراض !
عندهم درع واقي ضد بشاعة الكون .
كلمة سحرية بتديك أضعاف قوتك الحقيقية .
وتصغر القبيح والصعب وتضاعف كل حاجة حلوة أربع مرات في عينيك.
الرجالة اللي خاضوا الحروب كانوا مرضي نفسيين مفيش ست حضنته واتنفض في حضنها فقرر يتساخف علي البشرية وينتقم بوحشية لأن قلة الحب بتحول أطيب راجل لهتلر !
والستات اللي معندهاش لا روح ولا نفس للدنيا وبتبص علي الارض وهي ماشية وبتمشي بالراحة الستات دي لهن تجارب قاسية من راجل خطف ضحكتها في يوم وخذلها ..
الحب هو العلاج الوحيد لان الحب قادر يحقن كولاجين ملامح قلبها كله وترجع تضحك من تاني.
كل أنواع الحب هي اللي بتخلق السلام والسعادة للبشر وقلة الحب تخلق الشقاء للعالم كله !
*حبوا . وتحابوا*
ولو معرفتوش تحبوا اتعلموا ازاى تحبوا . الحب عطاء قبل ان يكون اخذ فقد الحب مش شرط حب الرجل والست بس لا الحب ليه معانى وطرق كبيرة اوى حب اى حاجة فى اى حتة مع اى شخص ان شاء الله حب الانسان للزرع حتى المهم ازاى تعرف تحب
إتعلموا *فن الحب* هتشوف نفسك فجاة اتحولت روحك لروح خالية من اى شوائب اى طاقة سلبية فجأة هتلاقي نفسك اصبحت مثل الفراشة تنشر رحقها فى كل مكان *اعلنوا الحب*
وعزفوا ب اوتار قلوبكم انغام الحب والمحبة
الله يرزقنا حبك وحب من احبنا يارب العالمين .