سيمون … صغيرة وقلبي صغير!

جريدة بكره احلى الاخبارية

رئيس التحرير وجدى وزيرى 

بقلم أحمد عبد العليم قاسم
مخرج وكاتب

سيمون فنانة متفردة جوزائية الطباع متنوعة الابداعات متفردة الموهبة مع نجوم الفن والموسيقي والدراما جايبه م الاخر ….. انها سيمون التي تشدو لجماهيرها علي ضفاف نهر النيل العظيم علي خشبة مسرح ساقية الصاوي السبت 22 يوليو 2023 لتبث طاقة ايجابية جديدة من الروح الفرفوشة اللي مع الكابو حميد الشاعري بتتكلم بجد من قلبها اللولي ممكن تقول الو وهي راكبة تاكسي وحتي لو ساعتها مش مظبوطه هتعيش معاها يوم حلو ويوم مر وهي كارمن او لعبه المهم انك هتلاقيها طاقة متجددة في الغنا او التمثيل سينما مع فاتن حمامه ومحمد منير وعمرو دياب ومسرح مع محمد صبحي ملك المسرح وتليفزيون شوف مين التوب هتلاقيها معاه اسامه انور عكاشة ويحيي الفخراني وصلاح السعدني وصلاح قابيل وجميل راتب وجمال عبد الحميد ومتعدش
* اربعين يوم كنت محظوظ بمتابعتها عن قرب بين احتفالية صندوق التنمية الثقافية بعيد ميلادها 14 يونيو في سينما الهناجر وعرض فيلم يوم حلو ويوم مع مع سيدة الشاشة العربية فاتن حمامه اللي الامم المتحده ٍادتها جايزة استكمال مسيرتها وبعدها بايام حظي الجميل بتشريفها لقناة النيل الدولية حفل عيد الاضحي وسط طاقة ايجابية عظيمة رايح جاي بينها وبين كل فريق العمل من اصغرهم لرئيس القناة الاعلامية تغريد حسين والعيد معداش الا واستمتعنا فيه بمسرحياتها الجميلة الثلاثة والمتعه زادت لما احتفلوا بعيد ميلاد المخرج الكبير خيري بشارة بعرض ايس كريم في جليم يوم 30 يونيو وتتوالي الابداعات مع حفلها مع الموسيقار هاني شنودة باغنيتها ابيض في اسود اول تتر مسلسل غنته في حياتها ده غير إدارتها لندوة عن الشاعر الكبير امل دنقل في اتحاد الكتاب عشان كده حفل الساقية هيكون اجمل فرصة للجمهور للقاء ثري ومبدع مع سيمون المصرية الجميلة وخدوا بالكوا اي حد هيقول برجه ايه قدامها هتحلله في ثانية وقاعه النهر تشهد
صغيرة وقلبي صغير غزالة بتحب تغير والقلب عاشق متحير وساعات نساااي
ونفسي من بكرة اغير مش عارفة ازاي
في حياتنا بنحب نعاني ونخاف نغير في معاني ونخاف فكر ونطور طب ليه وازاي والقلب عاشق متحير وساعات نساااي
حكاية العشق حكاية مالهاش نهاية ولا أول وكل مرة ببداية نرجع ونحكي من الاول
متحيرة ودايما بسأل بنحب ازاي والقلب عاشق متحير وساعات نساي ونفسي من بكرة اغير مش عارفة ازاي