فن ♕ مواهب

صباح الخير يا امى” ازجال” وطنية

كتابها : ايوب السبع

صباح الخير يامه
صباح النورياو لدي
مالك صاحي بدري
انا اصلايامه مانمتش
وطول الليل العقل يهتش
لدرجه اني اتمنيت علي الدنياماخلقتش
ولا اشوفك يامه بهالصوره
حزينه وجواكي مكسوره
وف عنيكي دمعه شارده
من ناس عايشه فيكي
بتكسرفي سواعدك ورجليكي
وناس تانيه حواليكي
عينها عليكي
وعليكي حاقده
بس انتي صابره وصامته
وطول عمرك قوية وجامده
وبجناحك ف الهوي فارده وشامخه
يامه اه اه اه يامه بحبك
حتي الناس اللي بتحبك
علشان خاطرك حبيتها
وبالغربه غلاوتك اكتر حسيتها
وكنت دايما اجيب ف سيرتك
ويقولولي ماعندك غيرسيرتها
قولت ايوه دا امي وام الكون
واول بلد علي الارض تكون
مش عاوزني افتخر بقيمتها وعظمتها
واتباهي بسيرتها
دي بلدي بلد المساجد والكنائس
وتاريخها يغني عن التعريف
دي بلدي حضن الامان
لابن البلد والضيف
نصيبك كده يصيبك
جرح خفيف
وبكره منه هتفوقي
وتشفي جراحك وتروقي
وانام الليل مرتاح
واصحا كل صباح
اسجد علي ارضك بكفوفي
واصبح عليكي وادعي ليكي
لل خلق الدنيا فيها
ظلام ونور
وذكرك بكتابه
وتجلي لموسي علي ارضك
من فوق جبل الطور

بكره أحلى

رئيس مجلس الادارة ورئيس التحرير : وجدى وزيرى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock