مش حا نسى
مش حا نسى
واحنا من الساحل راجعين
معانا عيالنا وسايقين
ونسابق بعض و طايرين
والسرعة فوق المية وخمسين
و حريمنا صريخ يا مجانين
وعيالنا على الكنبة فرحنين
نرجع نهدي مضطرين
وشوية نجري معندين
المدام عصبت
مش حينفع كده والله مجانين
هديت السرعة وانت فين
سبقت وعديت القوانين
ولمحت الرادار قدام العين
فرملت ونزلت السرعة للتسعين
ضحك من خلف الرادار الامين
وبعد كام كيلو يا حلوين
لقيت صاحبي واقف في الكمين
ركنت ونزلت لقيت المسكين
بيدفع مخالفة الرادار للبلوكامين
قلت له علشان تحرم تجري
ده شغل مجانين اعقل بقى
معاك عيالك المساكين
الظابط قالي وعيه وكون ناصح امين
بص بنظرة غيظ وكان من الحاقدين
وركبنا العربيات تاني بعد الكمين
ورجعنا نتسابق فوق المئة والخمسين
الله يرحمك ياصاحبي
بقيت لوحدي حزين
كنا في طريق واحد
بقيت في الطريق وحدي
وبقينا في طريقين
انت فين وانا فين
سبقتني بالرادار وبالسنين
في يوم موعود متقابلين
الفاتحة لروحك الطاهرة
كلنا لعندك جايين
يرحم امواتنا
وأموات المسلمين
