ليه ؟!
ليه كل حاجة حلوة بتيجي في عِز حُزنِنا ؟!
ليه كل حاجة غالية بتيجي في عِز بؤسنا ؟!
ليه كل دقة تفرحك
بتفكرك إنك وحيد ؟!
ليه كل خطوة تنجحك
بتتوهك في طريق جديد ؟!
ليه لما شمس الصبح تيجي تدفي قلبك .. تحرقه ؟!
وتدوبه وتعذبه .. وتحطه جوة قفص حديد !!!
ليل لما قمر الليل بييجي يوَنِسَك .. بيخوفك ؟!
ويتوهك ويرعبك .. مع إنه جايلك من بعيد !!!
ليه كل قِصة تعيشها بتموت في النهاية ؟!
بعد التنازل والتغافل والمسامحة مالبداية !!!
ليه كل طريق بتمشي فيه بيتقطَع ؟!
مع إن ده هو الطريق المُتَّبَع !!
ليه كل نية صافية بيها بتتوجع ؟!
ولسة قلبك رغم كل ده جدع !!!
ليه يا دنيا رافضة ترضي عني وتصفحي ؟!
هو انتي ليه هدفك في قلبي تجرحي !!
دانا كل ذنبي اني آمنتك بالأوي !!
ورفضت أعيش معاكي دور الفهلوي !!
و صدقيني يادنيتي ….
أنا بمبادئي وبأصولي حَغْلِبِك !!
وحَغَلِّبِك وحَتَوِّبِك وعليَّا مش حتقدري ..
دانا اللي زيي يادنيا ساندُه ربنا ..
هو اللي سانده رَبِّنا
تفتكري ممكن تكسري ؟!؟!
للتواصل لنشر اخباركم ومشاكلكم على واتس اب 00201155442883
جميله ياامونه ومعبره عن حاله حزن دفين
استمري ويارب بالتوفيق
روعة جميلة جداً حبيبتي تسلم ايدك