طول ماانت ماشي في الطريق …
والطريق عمال يضيق …
وكل خطوة وخطوتين …
بيقع منك صديق …
مَرَّة تلِفْ وممكن حتى …
ترجع تاني عشان تلاقيه .
ومَرَّة تشوفه وهو بيِفْلِت …
تعمل نفسك مش داري بيه !!!
وتمثل إنك متفاجئ !!!
وتمثل إنك متضايق !!!
وبتظهر إنك مش طايق !!!
تمشي من غيره الطريق !!!
عادي ياصاحبي !!!
مانت أديلك أيام وسنين …
بتمثل وانا فاكرك صادق …
وكل مايطول الطريق …
ويتوه منك صديق …
بتكتشف فجأة المفاجأة :
إنك كنت رغم سنك الكبير
طفل وبرئ !!!
عادي ياقلبي .. قصدي ياصاحبي …
عفواً عفواً … قصدي ياصاحبتي …
يااللي كنتي في أول عمري …
صديقتي وحبيبتي …
وزميلتي في تختتي !!!
عفواً ياغالية …
قصدي يااللي كنتي غالية !!!
ماحنا كنا آه حبايب …
أو صحاب عاملين حبايب !!!
كنت باغفر لما كنت قلبي رايق …
لكن الأيام وإنتي آه وهي …
تَوِّهُوا مِنِّي الحقايق …
مضطرة أقولهالِك وليها …
تعبت من زيف الحقايق …
سلام ياصاحبتي …
يااللي كنتي في أول عمري …
صديقتي وحبيبتي !!!
وزميلتي في تختتي !!!
