جيهان سامى عكاشة .. إرمي الدنيا

إرمي الدنيا دي ورا ضهرك…
قاوم غضبك حزنك قهرك..
إرخي لجامك…
فرفش قلبك..
وإنسي دوامك…
دوس علي قلقك…
عيش أيامك…
إوعي تخلي الدنيا الوحشه…
ترقص علي جرحك وحطامك.
شيل نضارتك….
قولي شايف إيه قدامك؟؟
فنجان قهوه….؟
طعمه ينعنش فيك أحلامك.
شجره كبيره بتحضن شجره…
عاجبها شعرك وكلامك..
إوعي تخلي الغربه القاسيه…
تنهش فيك لحمك وعضامك…
سامع إيه…؟؟
صوت فيروز…؟
قادر يمحي كل آلامك.
حاسس إيه…؟
شئ جواك..؟
بيقولك فوووق من أوهامك…
طول ماقلبك لسه بينبض…
شقشق نفسك وإمحي ضلامك..
إوعي تقع والدنيا تدوسك…
إوعي دا موتك في استسلامك.

للتواصل لنشر أعمالكم وأخباركم ومشاكلكم بموقع الجريدة التواصل

 من خلال البريد الالكترونى :wawaziry@gmail.com

اشترك فى دورة الصحافة الالكترونية أون لاين

15 يوم تستلم كارنية محرر صحفى او مراسل صحفى

ونؤهلك للعمل بجريدة بكره احلى موقع الاخبار المتميز

للتواصل تليفون من مصر 01155442883

ومن كل الدول 00201155442883