الرئيسيةمقالات الكُتابشعر جيهان عكاشه .. بحبك يابلادى
مقالات الكُتاب

شعر جيهان عكاشه .. بحبك يابلادى

إوعي مرة تصدقيهم……
لو قالوا مابحبكيش.
بنسى نفسي جوه غربة.
بس قلبي مانساكيش.
إسألي الدم اللي ساري….
في عروقي وشراييني.
إسألي النبض اللي جاري….
جوه قلبي وفوق جبيني.
مانتي فرحي وإنتي عيدي…
وإنتي شرياني ووريدي…
وإنتي وجعي إللي عشقته…
وشعر كتبته بخط إيدي..
ومهما بعدتي ونسيتي…
ومهما قسيتي وقاسيتي…
أنا منك أنا ليكي….
أنا حصنك وهافديكي..
ومهما قفلتي أبوابك…
أنا راهب في محرابك
أنا جيت لك وهتوضى….
بمية نيلك الفضة…
ياساكنة القلب والنني..
قلبك ليه بعيد عني…
وليه حرماني من وصلك؟؟
ياكل الغالي يرخصلك😞
بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات