الإثنين, أبريل 19, 2021
الرئيسيةفن ♕ مواهبيا ام الضفاير.. شعر رضا دياب
فن ♕ مواهب

يا ام الضفاير.. شعر رضا دياب

جريدة بكره أحلى

رئيس التحرير وجدى وزيرى

 

يا ام الضفاير فوق نيلك
عروسه حلوه على جبينك
شريان بيجرى جوانا
ومنه نشرب ونجيلك
يامصر دايماً أبطالك
رافعين راياتك قدامك
منهم مهندس ومعلم
منهم طيب من علمائك
يارب إحملنا بلادنا
واحفظ حياتنا وولادنا
وخلى دايماً قدمنا
نظره وتفائل لشبابنا
يامصر يا أم المحروسه
دايماً من العين محفوظه
ربى ماتكتبها علينا
وشيل بلادنا من الصوره
وشيل بلادنا من الصوره
——————————-
يامصر فيكى ناس حلوه
بيظهروا وقت الشده
واقفين معاكى إيد واحده
لحد ماتعدى الأزمه
أنا وأخويا وزميلى
وابن عمى وحفيدى
بيندهولى على مرقص
جارى وحبيبي ونور عينى
علشان هنطلع نتكلم
ونفهم الناس ونعلم
دى مصر دايماً منصوره
وعمرها ماحاتتقسم
وقت الشدايد أهو جالكم
تحافظوا فيه على عيالكم
ما انتو رجالها وأبطلها
وإنتو العزيمه بإصراركم
وتحيا مصر العربيه
مصر الجميله أم الدنيا
مليون سلامه على ولادك
مليون تحيه وهديه
مليون تحيه وهديه..

بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات