الخميس, يناير 28, 2021
الرئيسيةمقالات الكُتابليه يا دنيا.. كلمات الشاعر محمد عبد العزيز رمضان
مقالات الكُتاب

ليه يا دنيا.. كلمات الشاعر محمد عبد العزيز رمضان

جريدة بكره احلي موقع الاخبار المتميز
ليه يا دنيا مغلباني
حاسس إني كمان وحيد
لما بنسى حزني فيكي
بلقى حلمي كمان بعيد
نفسي القى فرح تاني
بس فرحي كان عنيد
ليه يا دنيا رافضه إني
أبقى عايش من جديد
ليه بترضي إني أسيبك
نفسي أكون زي الجليد
إني حزني يدوب بسرعه
أصل حزني مش بسيط
ليه يا دنيا عليا قاسيه
ترضى ليا دموع وهم
وإن حلمت بحاجة حلوه
ألقى منك طعم سم
ألقى منك سهم يجرح
لا بيقتل كله غم
ليه يا دنيا مش تحني
أو تكوني ليا دار
ياما عشت سنين طويلة
من ألم طول انتظار
بس مش لاقي يا دنيا
من إديكي إلا نار
تكوي قلبي بكل جرأه
إنتي زودتي العيار
أوعى تفتكريني هضعف
أو هموت من دا المرار
لا هقوم من تاني أقوي
وابقى سيد الإختيار
مهما تبني ألف سد
مهما ترميني في حصار
مش هخاف وهكون مغامر
كل ليل آخره النهار

بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات