السبت, أكتوبر 31, 2020
الرئيسيةمقالات الكُتاب“زحمــــــــة ” تأليف دكتور محمد عيد زكي
مقالات الكُتاب

“زحمــــــــة ” تأليف دكتور محمد عيد زكي

زحمة .. زحمة .. زحمة قلوب الناس زحمة ، عقول الناس زحمة ، نفوس الناس زحمة زحمة .
زحام الناس ذهاباً وإياباً صعوداً وهبوطاً لكل واحد حكاية وخلف كل باب رواية ـ حكايات كتيرة وسط الزحمة . فيه اللي خسر حبه وانكسر قلبه ، وفيهم كان إنسان وضيعه بني الإنسان وفيه عقول كتيرة بتنور طريقنا لكن فصلين الكهربا عنها .
زحمة .. نعم زحمة الزحمة زحمة نفوس مش فلوس ـ نفوس اتغيرت لما اتبدلت الأحوال سخطت نفوس بعد الرضاء بالحال وتكبرت نفوس بعد الغنى بالمال ، واليأس أصبح طريق الناس عبراه وسط الزحمة .. وسط الزحمة عيوب الناس افتخار وميزاتهم إحتقار .. في الزحمة ناس عايشه وماشيه لكن بداخلهم آلم من أين تأتي السعادة من السقم ؟ ولو أتت هينتهي الآلم .
وسط الزحمة جراح وآلم وآنين بس الحُلم تاه .. تاه وسط الزحمة مشيت كتير .. كتير في الزحمة أدور على حلمي لكن أطلع من زحمة أدخل في زحمة دخلت متاهة دروب الأمل أبحث وأدور فينك يا نور الأمل نور دروب الحياة ، وفي نهاية المتاهة لقيت راجل عجوز اسمه حكيم قال لي : رايح فين يا ابني ؟
قولت : بدور على الأمل يابا مش لاقي حتى ضيه .
قـــال : الأمل !! الأمل موجود يا بني بس احنا اللي مش بنشوف ـ بسمة طفل صغير أمل في بكره ، رضا أبوك وأمك أمل في خير جاي ، الكفاح والتضحية أمل في النجاح والتفوق ، العمل بحُب أمل في زيادة الإنتاج .
قولت : بس أنا كافحت وسهرت وتعبت بس لم أحقق أحلامي .
قــال : من حقك تحلم وتسعى لتحقيق الحلم بس ربنا هو الوحيد اللي قادر على تحقيق أو عدم تحقيق هذا الحلم لأنه هو الوحيد القادر على معرفة الخير لعباده فقد يكون تحقيق حلمك سوف يصيبك بالضرر وحينها سوف تتمنى لو لم يتحقق هذا الحلم .
قولت : حقاً .
قـــال : اجعل أملك ويقينك بالله وسوف تجد الخير .
قولت : الحمد لله .
ونظرت خلفي إلى المتاهه والزحمة فلم أجدهما .
فالزحمة هى التي نتصورها واليأس من أفعال البشر لكن الأمل في الله هو السعادة الحقيقية الحمد لله .. الحمد لله .. الحمد لله .

للتواصل مع جريدة بكره احلى موقع الاخبار المتميز ونشر اعمالكم
تليفون: 00201155442883
بريد الكترونى
wawaziry@gmail.com

بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات