الجمعة, أكتوبر 30, 2020
الرئيسيةمقالات الكُتابأعرف كيف تعيش حياة ممتعه ؟
مقالات الكُتاب

أعرف كيف تعيش حياة ممتعه ؟

تكتب : جيهان عكاشه

فاكرين من ده..؟ أيوه هو رفيع بيه. فاكرين كان بيبكي بالحرقه دي إمتي..؟ بعد موت فارس أخوه. كان في المشهد ده رفيع بيه بيقول الآتي…. “كنت قاسي عليه ومارحمتوش…حتي لما سامحته استكبرت اكلمه وأقولهاله…راح من غير مايعرف إني سامحته..كل اللي كنت بعمله فيه كان من ورا قلبي..وآخر مره كان هاين عليا آخده في حضني بس استكبرت..لحد مافات الأوان ومافضليش غير الندم” أصعب وأقسي مشهد في التلاتين حلقه كلهم..الدموع دي بجد علي فكره مش تمثيل. والسؤال ..ليه بنستكبر نطلع الكلمه الحلوه من جوانا ونقولها لبعض؟؟ليه مستخسرين في بعض الاحساس الحلو اللي هنحسه لما نحرر المشاعر الحلوه المكبوته بداخلنا ونصرح بيها؟؟هو الكبر ده مافيش غيره..اللي مضيع علينا جزء كبير من انسانيتنا..ويمكن نكون مكسلين نطلع الكلمه الحلوه دي وبنقول المهم الفعل..ويمكن خايفين من رد فعل اللي قدامنا هيفهمنا ويقدرنا ولا هيستهين باللي هنقوله..ويمكن…ويمكن… طب والحل إيه؟؟هنفضل ساكتين لحد مالموت يسبقنا؟؟وساعتها هيصبح كل الكلام اللي جوانا عقيم ووجوده زي عدمه…إحنا بجد بنخسر كتير قوي لما بنسكت ..السكوت مش ديما من ذهب ياجماعه…الندم والحسره مش هيرحمونا لو الموت سبقنا.. الحقوا عبروا عن اللي جواكم للي بتحبوهم…حرروا اللي انتوا فعلا حاسينه…طلعوا الكلام الحلو اللي قرب يموت من الحبسه والكبت وصلاحيته تنتهي..لو بتحب حد قوله ..ساكت ليه؟؟لو زعلان من اخوك الحق صالحه وقوله إنت سندي…لو مخاصم ابوك أو أمك إلحق راضيهم وقولهم من غيركم ماسواش.لو مزعله جوزك اتنازلي شويه عن كبريائك وقوليله ماليش غيرك.خدوا عيالكم في حضنكم.اسبقوا الموت وطلعوا الحلو اللي قرب يحمض جواكم.جربوا كده هتلاقوا وش حلو أوي للحياه ماكنتوش شايفينه.الحياه اللي مالهاش ذنب في كل الهم والضيق اللي بنعيشه.صدقوني الخلل فينا .

للتواصل مع جريدة بكره احلى موقع الاخبار المتميز ونشر اعمالكم
والاعلان على موقع الجريدة
تليفون: 00201155442883
بريد الكترونى
wawaziry@gmail.com

بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات