السبت, أكتوبر 24, 2020
الرئيسيةالفن{ الفرسان }شعر ايمان الطير
الفن

{ الفرسان }شعر ايمان الطير

جريدة بكره أحلى .. موقع الاخبار المتميز

في عِز الفرح فاكرينــــك
في عِز البؤس عاشـقينك
وفي الفرحــــة نِغنيـــلك
وفي الأحزان دموع العين
نِجفـفهـــــا بِمَنــديــــــلك

نِعيش فِيكي تِلاوعيـنـــــا
فَنــركع تحـت رِجليــــكي
نـُــروح لِبعيـــد تِنادينـــا
فَنـِجــري كُلنـــا عَليـــكي

بِنَظرة واحدة في عِنيــكي
بِنفهـــم كُــل ما فِيـــــــكي
نُقول شــبيكي لبيـــــــكي
بِالروح والـــدم حَنفديـكي

كُـــل المَـراكـــب تَـايـــــهة
في بـحـــور كتيـــر قاســـية
ومَركِبــــــك يـا مصــــــــــر
جِــــوة القلــــوب راســــية

و تتـوهـي بس ازاي
و ربنــــا حـاميــــــكي
و اولادك الفُرســـــان
بِيحوَّطُـــوا عَليــــكي

دَه لابِـــس الكــــاكي
كُله ثبات و شــجاعة
وده لابِـس الأبيـــض
في رقبتـــه ســماعة

وده يِبـــني ويعمَّـــر
مِن غيــر ما يتكلــــم
وده يِشــرح ويعلــم
من غيــر ما يتـألـــم

وده يِـزرع الرياحين
إللي تِسُــــر العيــــن
كله فِـــدا عيونــــــك
ياام العيــــون ألـوان

ياام القُلــوب صافيـــة
ياام الكُفوف دافيــــــة
ضمينــا في احضانـــك
دي الغُربَة ياأمي هوان

للتواصل ونشر اخباركم والإعلانات في موقع الجريدة

تليفون وواتس 01155442883

ومن كل الدول : 00201155442883

بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات