الثلاثاء, يونيو 18, 2019
الرئيسيةمقالات الكُتابإيه رأيِك لَوْ نِتصالِحْ ؟ شعر ايمان الطير
مقالات الكُتاب

إيه رأيِك لَوْ نِتصالِحْ ؟ شعر ايمان الطير

غُلُبْت أحايل فيكي
وأسكُت علشان أرْضيكي
وانتي ولافارقة معاكي
عارفاني طَيِّبة
====
أنا فعلاً طَيِّبة
ودموعي قُرَيِّبة
لكن سعادتي دايماً
عَنِّي مِتْغَرَّبة
====
وبرغم ده كله صابرة
على كل قسوِتِك
وحَنْسَى كل ظُلمِك
بمجرد ضِحكِتِك
====
بس إوعي تِفَكَّرًِي
إن انتي حَتِكْسَرِي
قلب فات في الحديد
وعلِيه تِتْشَطَّري
====
واوعي تتصوري
إن انتي عشان قِدِرْتِي
بِيِه مرَّة تلعبي
مِن تاني حتِقْدَري
====
إصحي وفوقي يادُنيا
دانتي آخرك معاية
كلمة وموضوع وحكاية
على إيه بتِتْغَنْدَري
====
قوليلي بالله عليكي
مين آمنك يوم وارتاح
هو انتي نَدْر عليكي
في قلوبنا تِعَوَّري
====
طبعك من يوم ماعرفتك
وآمنتك من طِيب قلبي
كنت فاكرة اني فهمتك
أتاريكي بتُغْدُري
====
إيه رأيك لو نِتْصالِح
وعَلَيَّا تطبطبي
مَلْكيش بقلبي صالح
إيه رأيك ؟! جَرَّبي

بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات