الخميس, ديسمبر 5, 2019
الرئيسيةمقالات الكُتابأول يوم العيد .. شعر ايمان الطير
مقالات الكُتاب

أول يوم العيد .. شعر ايمان الطير

اليوم أول يوم العيد
ونهار أبيض جَيْ جديد
جَيْ يُحْضُن اللي عاوز
يتهنى ويعيش سعيد
====
كل واحد فينا دايماً
حاسس انه هو الوحيد
إللي كل الكون ده لازم
يصالحه مهما يكون عنيد
====
طَبْ ومالُه مَهُو ده العَشَم
في اللي بيخفف أَلَم
واللي يمسح دمعة سايلة
عالخدود من غير نَدَم
====
بس آه لو ييجي عِيد
وانت ياقلبي وحيد
لَاللي صانك جنب مِنَّك
ولا اللي صُنْتُه دَارِي عَنَّك
والقلوب زَي الجَليد
====
والَّا اقولك قُوم ياقلبي
إفرد جناحاتك وطِير
دانت مُش زَيَّك كتير
دانت حالة نادرة جداً
عُمرَك ماكنت في يوم أسير
====
أُنفُض غُبار الحزن وافرح
واكْسَرْ بيبان اليأس وامْرَح
وافرد قُلوعَك في الفَضا
دإنت طُول عُمرَك كبير
====
رَفْرَف ياقلبي في السَّما
دانت مكانك مش هنا
هو انت زَيَّك بس فين
والله ولا مِليون سنة
يلاقوا زَيَّك حتى اتنين

بكره أحلى
رئيس مجلس الادارة ورئيس التحرير : وجدى وزيرى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات