مين قال .. شعر جيهان سامى عكاشة
مين قال إن الأماكن …
بس طوبه وحجر.
فيه مكان يحس فيك…
باللي مايحسوش بشر.
فيه مكان يطبطب عليك…
وفي حضنه يقدر يضمك.
ومكان يسمع آهاتك…
يبكي ويشاركك في همك.
ومكان مهما تهرب….
يجيبك غصب عنك.
ومكان مهما تنكر….
بيجري جوه دمك.
………………
ومكان يعدي فيك ثواني…
مع إنك قاعد فيه ساعات.
ومكان لما تشوفه…
يهيج جواك حاجات.
ومكان يلملم جروحك….
ويجمع فيك الشتات.
ومكان تعشق فيه الكلام…
ومكان تدمن فيه السكات.
……………….
ومكان تروحه عشان…..
أغنيه بعينها تسمعها.
تغمض عنيك وتستسلم…
لذكري حلوه ووجعها.
ونفس الطاوله والكرسي…
ونفس الحاجه تشربها.
ونفس الصوره والمنظر.. ..
قدام عنيك تجمعها.
وتعيش ذكري بخيالك…
خدها الزمن منك..
ومش ناوي يرجعها.
- اشترك فى دورة الصحافة الالكترونية تستلم كارنية محرر صحفى مراسل صحفى
بعد الدورة وشهادة معتمدة من الجريدة
- أشترك فى دورة المذيع والمعد التليفزيونى التدريب على الهواء مباشرةً
أتصل الان تليفون وواتس 01155442883
بريد الكترونى : wawaziry@gmail.com
