هموم الناس

نضال طوبار تكتب وكلت امرى لك يارب

بقلم : نضال طوبار المحامية بالنقض

عام ٢٠٠٠ سب سمير رجب القذافى على صفحات الجمهوريه …ماكان من القذافى الا وقف تحويلات المصريين العاملين فى ليبيا download…فضل الموضوع شهور الناس بتشتغل وفلوسها واقفه اكتى من ٥٠٠ مليون دولار …وبسبب ده ارتفع سعر الدولار الى ٧ جنيه …مصر بعتت ناس كتير رسميين ومناصب حساسه ليبيا اترفضت وساطتهم …محمد ابو العنيين اخد طياره محمله باعضاء مجلس الشعب والشورى ورجال الاعمال وراحوا يقابلوا القذافي مرضيش يقابلهم …انا كان ليا علاقه طيبه بناس كتير فى الحكم فى ليبيا وبالقائد …سافرت على حسابي دفعت تذكره السفر من قوت عيالى …وقعدت على حسابي دفعت تمن اقامتى من قوت عيالى وطلبت حل المشكله واتحلت مرجعتش مصر الا وال ٥٠٠ مليون دولار فى البنوك المصريه …ورجعت برضه على حسابي من قوت عيالى ..ومإخدتش اى مليم ….عيالى ال اخدت من قوتهم وسافرت منهم بنتى ال اتحرمت من التعيين …انا ياما اخدت فلوس كانوا يستحقوها وصرفتها على البلد .
اى مستشارفى النيابه الاداريه ابنه او بنته دخلت النيابه الاداريه يقدر يقول لى عمل ايه لمصر فى حاجه واحده من الف حاجه انا عملتها طول عمرى ….عمل ايه لمصر …سامح كمال نفسه عمل ايه لمصر ….انعين مستشار ..طول عمرة بيروح شغله كام يوم فى الاسبوع يقعد على مكتبه ويشتغل شغله ال بياخد فى الاخر مرتب مقابل ليه وبياخد فى الاخر وضع اجتماعى يخليه اعلى منى ويدى لاولاده فرصه وياخدها من بنتى انا ….مين فينا وطنى وحب البلد هو ولا انا …مين فينا قدم للبلد عمره وماله بلا مقابل هو ولا انا …مين فينا اولاده اتربوا وهما شايفين التضحيه والايثار والوطنيه هو ولا انا …ليه تتحرم بنتى من التعيين علشان اولاد مستشارين جايبين ٦٥٪ ….ميزيه المستشارين دول عنى ايه …حبوا مصر وانا محبتهاش …عملوا لمصر وانا معملتش …قدموا للبلد وانا مقدمتش .
انا نارى مبردتش ومش حتبرد الا لما الظلم ده يتصلح ….حسبي الله ونعم الوكيل بحق كل خطوة مشيتها بشرف …بحق كل وقفه وقفتها بشرف ..بحق كل كلمه حق قولتها بشرف ..بحق كل وقفه وقفتها مع البلد والمظلومين بشرف ..يارب بحق كل ده هات حقى وحق بنتى من الظلمه ..يارب انت عالم بقلبي محروق قد ايه وعالم باللى عملته طول عمرى للبلد دى متسيبنيش مظلومه يارب …انا مسيبتش حد مظلوم طلب منى المسانده ابدا …متسيبنيش انت يارب مظلومه ….انا مااخدتش اى مقابل علشان اعمل اى موقف عام فى حياتى ميبقاش المقابل انى بنتى تتحرم من حقوقها وانا ياما وقفت فى حقوق وياما رديت حقوق ….وكلت امرى لك يارب انصفنى ومكنى

بكره أحلى

رئيس مجلس الادارة ورئيس التحرير : وجدى وزيرى

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى